Интервју
Ирена Шуменковска

Платформата на млади европски амбасадори е креативна мрежа на млади активисти од целиот Западен Балкан. Младите европски амбасадори имаат различно потекло, но сепак сите споделуваат заедничка визија: Западен Балкан обединет во различноста и секогаш воден од идејата дека активизмот кај младите е најмоќната сила на општествените промени. Основана е во 2020 година како дел од Регионалната програма за комуникација на ЕУ за Западен Балкан. Изборот за млад европски амбасадор се одвива во повеќе фази кои вклучуваат online гласање и селекција на младите најкомпетитивни лица од страна на претставници од европските институции.

Република С. Македонија е мала држава на Балканот чија основна цел е опстанокот во меѓународните односи и грижа за благосостојбата на сопствените граѓани. За да го постигне ова потребни ѝ се сојузи и сојузници и на глобално и на регионално ниво. Полноправното членство на С. Македонија во НАТО и во Европската Унија, како и развојот и унапредувањето на добрососедските односи и регионалната соработка, претставуваат стратегиски и долгорочни цели на надворешната политика на државата. Нашата држава се стреми да одржува добро соседски односи и коректни односи со меѓународните организации, доказ за тоа се меѓународните договори кои ги има потпишано. Како земја со нагласена европска ориентација, кандидат за членство во ЕУ, реформски ориентирана и цврсто определена за заштита на правата на човекот, мирољубива и активно ангажирана членка на ОН во меѓународните односи, постојано подготвена да дава придонес во јакнењето на меѓународниот мир и безбедност преку меѓународна соработка во сите области. Јакнењето на пријателските односи со државите преку склучување на билатерални договори, желбата и стремежот да го подобри сопствениот статус во меѓународните организации се доволна потврда за заложбите на С. Македонија за градење на добри односи на билатерално и мултилатерално ниво.

Интеграција во Европската Унија е клучната стратешка цел на С. Македонија која ќе ја подобри демократската клима во земјата, ќе ја зајакне нејзината стабилност и економијата и ќе ги подобри работните и животните услови за сите граѓани. Отворањето на пристапните преговори е клучен чекор во постигнувањето на оваа цел, кој соодветно ќе ја подготви земјата за усвојување на европските вредности и принципи. Отпочнувањето на пристапните преговори ќе ја зголеми свеста и важноста на темелните вредности на Европската Унија во С.  Македонија, како што се владеење на правото, демократија, еднаквост, и човекови права и слободи. Преку транспонирање на релевантното законодавство на ЕУ во националното законодавство, земјата ќе ги усвои темелните европски стандарди и ќе ги вгради како врвен приоритет во нејзините интеграциски процеси. Освен тоа, надзорот што го спроведуваат државите-членки за време на целиот процес на пристапни преговори ќе обезбеди темелно и недвосмислено почитување на европските вредности во земјата.

Промоцијата на С. Македонија како земја со поволни услови за инвестирање е една од иницијалните начини да се заинтересираат потенцијалните инвеститори за неа. Нашата земја како мала и зависна економија мора да се промовира многу повеќе од други држави кои се поголеми, поразвиени и етаблирани како алтернативни локации за инвестирање и проширување. Доколку не се промовира и не се работи активно на директните контакти со компаниите, државата не може да се најде во фокусот на интерес кај странските инвеститори.   Промоцијата на нашата држава е од огромна важност и потребно е светот да слушне за нашите бизнис потенцијали бидејќи тоа е еден од начините за да се зголеми и соработката со другите земји.